Kíktum til Brynja og Trausta í gær og þar var margt um manninn. Þar áður höfðum við snætt nautstykki í íbúðinni okkar á Herningvej. Trausti, Sara og Kári fóru í morgunsárið að reyna ýmsar kúnstir á snjóbrettum og skíðum. Gaman væri að bregða sér bæjardyr og reyna fyrir sér á einum svörtum plastpoka eða svo......En hei myndir, já myndir og gamlar syndir. Afmæli Bjössa hér.

Ragnar Loðbrók, the Viking who invented Soda Stream.

Jæja, Sinna kemur um miðnætti. Við búumst nú samt ekki við henni fyrr en í nótt því samgöngur í þessu landi eru allar í lamasessi þessa stundina. Smá fönn og allt er bókstaflega stopp! Þessir Danir eru nú ekki vanir soddan vetri eins og við veðruðu Íslendingarnir. Nú er ég búinn að lappa aðeins upp á íbúðina og Kári ætlar að líta við í kvöld því ég ætla að reyna að fá Nintendo tölvuna hans Bjössa lánaða. Setjum krumpuðu litlu sveskjuheilana okkar í krukku og spilum frameftir. Hljómar vel. Halli fær Helgu sína í kvöld. Til hamingju með það Halli minn!

Res geit

Gleðilegt nýtt ár!

Við erum komin aftur til Dan(égeraðfrjósaúrkulda)merkur. Hér er mikill snjór og hitastig vel undir frostmarki. Allir ofnar eru komnir á fullt og hálsbrjóstsykrar, C-vítamín og heitt súkkulaði innbyrt í miklu magni með von um að fá ekki einhverja pest. Ég horfði á Real Madrid-Valencia í gær og mínir menn í Real stóðu fyrir sínu og unnu góðan sigur, 4-1. Fyrir það höfðum við Árný farið á indverskan veitingastað hérna í grenndinni og hann lofar góðu. Fínn prís og góður matur. Ég ætla að taka lítillega til í dag og á morgun því Sinna vinkona okkar er að koma á morgun. Maður getur ekki boðið henni upp á einhverja svínastíu. Jæja, Ajax ultra og Mr. Clean bíða.

Harmonía og friður.

Reggae