jam og jæja - júró búið og gaman að því - Við Helga kíktum hérna niður í fællesrummet á Herningvej fyrst og fylgdumst með henni Birgittu "okkar". Hún stóð sig bara vel stúlkan - voða sæt og blómleg og svona - samt frekar mikið ljótar buxur sem hún var í...en ekki kannski aðalmálið... Seinna kíktum við svo til Steinunnar og Atla og horfðum á stigagjöfina með taugatitringi og hrópum. Sara bara hló að mér þegar ég var sem æstust yfir öllu þessu - en ég veit að hún hafði lúmskt gaman að þessu. Jæja en það fór sem fór - við unnum ekki þetta árið....heldur Tyrkir - frekar mikið glatað lag samt. Annars hafa síðustu dagar verið afar strembnir hjá mér. Brjálað að gera í skólanum og 2 vökunætur í röð héldu mér á áætlun, sem sagt búin að "þrykkja plansana" (jájá veit að sumir vita ekkert hvað það þýðir) ...vúhú..sem sagt búin með aðalstressið og svo er það bara módel og dótarí eftir yfir helgina. Svo er það krítík á mánudaginn..jíbí.. Annað að frétta er svo bara sól og sumar hér í DK 20- 25 stiga hiti og gleði- fólk farið að spóka sig á ströndinni og garðarnir fullir af hressu, bíkíniklæddu fólki.
